Келісімге сәйкес Компания Абонентке Абоненттік құрылғыны абоненттік құрылғының алғытөлем сомасының енгізілуінен және бірінші ай сайынғы төлемнің төленгенінен кейін табыстайды.

Науқан талаптарына сәйкес, скорингтен өту нәтижелері оң болған жағдайда, абонент «Келісімшарттық телефон» науқаны бойынша тек бір Келісім жасаса алады.

Абонент Науқанға скоринг — абоненттің Оператор орнатқан төлемге қабілеттілік критерийлеріне сәйкестігін тексеру нәтижелері бойынша қосылады.

Басқа ұялы оператор абоненттері де Kcell/activ абоненттік нөмірін рәсімдегеннен кейін немесе MNP қызметі бойынша өз абоненттік нөмірін ауыстырғаннан кейін, скоринг нәтижесі бойынша «Келісімшарттық телефон» науқанын қосу мүмкіндігіне ие.

Науқанға қатысу Абоненттің Келісімшарттық мерзімге келісім жасасуы арқылы ресімделеді.

Науқанға қосылған кезде Компания Абонент нөмірінде «Базалық+» тарифтік жоспарын және Қызмет Топтамасының бірін қамтитын қызметті іске қосады.

Абоненттің Келісімшарттық мерзімнің аяқталуына дейін «Базалық+» тарифтік жоспарын қосқанда Қызметтен бас тартқан, Келісімді және/немесе ұялы байланыс қызметтерін көрсетуге жалпыға ортақ шартты бұзған жағдайында, сондай-ақ Келісіммен орнатылған басқа да жағдайларда Абонент жасалған Келісім шарттарына сәйкес абоненттік құрылғының қалдық құнын төлейді.

Абонент Қызметтен Науқан бойынша «Базалық+» тарифтік жоспарын қосқанда Келісімшарттық мерзімнің аяқталуына дейін тек абоненттің Компанияның Kcell орталығына ұсынған жазбаша өтініші арқылы ғана бас тарта алады.

Абоненттің кез келген себеппен Қызметтен бас тартқан жағдайында абоненттік нөмірдегі «Базалық+» тарифтік жоспары Абоненттің оны өзгерткенінше әрекетін жалғастырады.

Қызметке сәйкес ұсынылатын Науқандық минуттар және SMS хабарламалар ҚР аумағында қоңырау шалып, хабарлама жолдау үшін пайдаланылады, бірақ оларды 3, 4 және 5 таңбалы қысқа нөмірлерге қоңырау шалып, хабарлама жолдау үшін пайдлануға болмайды.

Роумингте қосымша қызметтер қоңырау шалу мүмкіндігі берілетін “Келісімшарттық телефон” науқанымен бірге қосқанда, ең алдымен «Келісімшарттық телефон» науқаны бойынша минуттар топтамасы жұмсалып, содан соң роумингте қосымша қызметтер бойынша тарифтеу қолданылады.

Қызметтің Науқандық топтамасының әрекет ету мерзімі: Есептік мерзім, Осы Келісімге отырған күннен басталатын 1 (бір) айлық қайталанатын кезең. Келісімшарттық кезеңнің аяғына дейін, әрбір келесі Есептік кезең әрбір күнтізбелік айдың Қызмет қосылған жұлдызында (егер ондай жұлдыз болмаса, айдың соңғы күні) басталады. Әрекет ету мерзімінде пайдаланылмаған Қызметтің Науқандық топтамасының көлемі келесі Есептік мерзімге ауыстырылмайды. Сәйкес Есептік мерзімдегі Қызметтердің науқандық көлемі Абонентке егер осы есептік мерзімде Ай сайынғы төлем толық алынбаған болса, берілмейді.

14.10.2016 жылдан кейін құрастырылған келісімшарттар аясында теңгерім немесе несиелік лимит жағдайын ескерместен қолжетімді болатын интернет-трафик пен Kcell/activ желісі ішінде қоңырауларға арналған минуттарды есепке алмағанда науқандық қызмет топтамасы несиелік лимит аясында (есеп айырысудың несиелік тәртібінде) немесе оң теңгерімде (есеп айырысудың алғытөлемдік тәртібінде) қолжетімді. 14.10.2016 жылға дейін құрастырылған келісімшарттар үшін ақпарат мұнда.

Қызметтің Науқандық топтамасы пайдаланылғаннан кейінгі оператордың байланыс қызметтерінің тарифтелуі, сондай-ақ Қызметтің Науқандық топтамасына кірмеген басқа да қызметтердің тарифтелуі «Базалық+» тарифтік жоспарына сәйкес жүргізіледі, тарифтік жоспарға кірмеген қосымша қызметтердің тарифтелуі Оператордың осындай қызметтерді пайдалану барысында әрекет ететін тарифтері бойынша жүргізіледі.

Қызметтердің Топтамалары мен Компанияның қосымша интернет-қызметтерін Келісімшарттық кезең ішінде бір уақытта қосу мүмкін емес.

Науқандық топтама бойынша дауыстық минуттар және интернет-трафик қалдығын тексеру *100#OK пәрменін теру арқылы жүргізіледі.

Абонент науқанға скоринг — Оператор белгілеген төлем қабілеттілігі критерийлеріне абоненттің сәйкестігін тексеру нәтижесі бойынша қосылады. Сонымен бірге, бір Абонент (жеке тұлға) «Келісімшарттық телефон» науқаны бойынша тек қана бір телефон сатып алуды рәсімдей алады, ол екінші телефонды толық құнына сатып ала алады.

«Келісімшарттық телефон» науқанына 01.07.2016 ж. дейін қосылған Kcell абоненттері үшін науқан бойынша ай сайынғы төлемдерді алу 2016 жыл маусымда алынған күнге сай келетін күні ай сайын жүргізіледі (осындай күн болмаса — айдың соңғы күні), мысалы, егер науқан бойынша ай сайынғы төлем 20 маусымда алынған болса, онда Келісімшарттық кезеңнің аяғына дейін әр айдың 20-жұлдызында алынады. Ай сайынғы төлемді алғанда, ұсынылатын қызметтердің науқандық топтамасының жарамдылық мерзімі сәйкесінше өзгереді.

«Келісімшарттық телефон» науқанына 01.07.2016 ж. кейін қосылған Kcell абоненттері үшін науқан бойынша ай сайынғы төлемдерді алу және қызметтердің науқандық топтамасын ұсыну Науқанға қосылған күнге сай келетін күні жүзеге асырылады (осындай күн болмаса — айдың соңғы күні).

Бонустық трафикті *100#ОК USSD-комбинациясын теру арқылы тегін тексеруге болады. Абонент бонустық трафиктің жұмсалуын өз бетінше бақылап, оның берілуін тексереді. Тарифтік жоспар бойынша бонустық көлемнің таусылғандығы туралы уақтылы хабарланбаған жағдайлардан басқасында, Компания бонустық трафик таусылған немесе бонустық трафик берілгенге дейін негізгі теңгерімнен қаражат жұмсалған жағдайларда абоненттің шығындарын өтемейді.

Кепілдемелік қызмет

Абоненттік құрылғының кепілдемелік мерзімі — Абоненттік құрылғының Қабылдау-тапсыру актісіне (бұдан былай — Акт) қол қойған сәттен бастап 12 (он екі) күнтізбелік ай. Кепілдемелік қызмет көрсету шарттары өндірушінің Интернет-ресурсында орналастырылған.

Осы актіге қол қойғаннан кейін Абоненттік құрылғы ақаулығы анықталған жағдайда Абонент Оператор ұсынған авторизацияланған сервис орталыққа хабарласуы қажет (авторизацияланған сервис орталықтарының мекенжайлары Оператордың Интернет-ресурсында келтірілген).

Бұрын қосылған келісімшарттық телефондар үшін шарттар

04.08.2017 дейін қосылған келісімшарттық телефондар үшін шарттар

14.10.2016 дейін қосылған келісімшарттық телефондар үшін шарттар

22.12.2015 дейін (қоса) қосылған келісімшарттық телефондар үшін шарттар

Электрондық құжат айналымы