Құжаттар

1. КЕЛІСІМ НЫСАНЫ

1.1. Осы Келісім (бұдан былай - Келісім) Қазақстан Республикасының Көлік және коммуникация министрлігі берген 08.06.1998 жылғы ККМ №ДС 0000270 лицензиясының негізінде әрекет ететін, бұдан былай «Оператор» деп алататын «Кселл» АҚ және Пайдаланушы арасында Оператордың Веб-парағы (http://www.kcell.kz) арқылы абоненттік нөмірді резервтеу қызметін ұсыну мен пайдалану жөнінде жасалды.

2. КЕЛІСІМДЕ ПАЙДАЛАНЫЛАТЫН ТЕРМИНДЕР

2.1. Веб-сайт – http://www.kcell.kz домен атауы мен келесі деңгейлерде барлық домен атауларымен HTTP/HTTPS хаттамалары арқылы Интернет желісінде қолжетімді Оператордың интернет-ресурсы.

2.2. Веб-парағы – Пайдаланушылардың Абоненттік нөмірлерді резервтеуіне арналған келесі кезеңдердегі барлық домен атауларын қосқанда http://shop.kcell.kz(shop.activ.kz) домен атауымен Веб-сайтта орналастырылатын ақпараттық ресурс.

2.3. Абоненттік нөмір – Пайдаланушының Веб-парақта резервтейтін және кейінен Пайдаланушыға Ұялы байланыс қызметтерін көрсету туралы жария шарт бойынша бөлініп берілетін телефон нөмірі.

2.4. Пайдаланушы – нөмірді резервтеу мақсатында Веб-парағын және Қызметті пайдаланатын тұлға.

2.5. Резервтеу (резерв) – Пайдаланушының Оператор Веб-парағында іріктеген абоненттік нөмірді таңдауы, таңдалған нөмір бойынша «Резервтеу» функциясын іске қосуы мен Пайдаланушының абоненттік нөмірді кейіннен тіркеуі үшін Веб-парағында қажет ақпаратты орналастыруы жөніндегі әрекеттері.

2.6. Резервтеу коды – Пайдаланушының Абоненттік нөмірді резервтеу дерегін растайтын бірегей сандық код.

2.7. Қызмет – Пайдаланушыға Веб-парағы арқылы ұснылатын Абоненттік нөмірді резервтеу қызметі.

2.8. Kcell орталығы – Оператордың Веб-сайтта орналасқан мекенжайлардың бірі бойынша абоненттерге қызмет көрсету жөніндегі арнайы орталығы.

2.9. Абоненттік нөмірді тіркеу – Пайдаланушының Ұялы байланыс қызметтерін көрсету туралы жария шартқа қосылу процедурасы, осыған байланысты Пайдаланушыға резервтелген Абоненттік нөмір беріледі.

2.10. Резервтеу мерзімі – Астана уақыты бойынша нөмірді резервтеу сәтінен бастап саналатын Пайдаланушының Операторға хабарласып, оның резервтеген абоненттік нөмірді өз атына тіркей алатын мерзімі.

3. ЖАЛПЫ ҚАҒИДАЛАР

3.1. Осы Келісім шарттарын Оператордың Қазақстан Республикасының қолданыстағы заңнамасына сәйкес өз бетінше орнататын және Пайдаланушының жалпы алғанда осы Келісімге қосылу жолынан басқа түрде қабылданбайтын жария оферта (қосылу шарты) болып табылады.

3.2. Осы Келісім Пайдаланушының Қызметті пайдалана бастаған сәттен бастап күшіне енеді және Пайдаланушыға таралады.

3.3. Осы Келісім Келісіммен және/немесе Қазақстан Республикасының қолданыстағы заңнамасымен ескерілген негіздерде бұзылуы мүмкін.

3.4. Осы Келісімнің қандай да бір қағидаларын жарамсыз деп табу Келісімнің басқа қағидаларының жарамсыздығына немесе орындалмаушылығына алып келмейді.

3.5. Тараптардың осы Келісімде көзделмеген қатынастары Қазақстан Республикасының қолданыстағы заңнамасымен реттеледі.

3.6. «Нөмірді таңдау» қызметін көрсету шарттарын, оның ішінде төлем шарттарын Оператор орнатады және олар Пайдаланушыны алдын ала ескертпестен бір жақты өзгертіле алады.

4. ҚЫЗМЕТТІ КӨРСЕТУ ШАРТТАРЫ

4.1. Қызмет Пайдаланушыға Веб-парағында орналастырылған және резервтеу үшін қолжетімді Абоненттік нөмірді тікелей Веб-парағында резервтеуге мүмкіндік беретін қызмет.

4.2. Абоненттік нөмірді резервтеу үшін Пайдаланушы Веб-парағындағы сәйкес жиекте өз деректерін (Т.А.Ә., қаласы, байланыс телефон нөмірі, туған күні, жынысы, жеке куәлік ЖСН) енгізуі қажет, сондай-ақ жария офертамен танысып, онымен танысқандығы туралы қанат белгісін соғуы қажет. Бұл ретте Пайдаланушы осы Келісімнің 5.7 тармағында көрсетілген жағдайлардың алдын алу үшін өз бетінше резервтеу мерзімін демалыс және мейрам күндерін ескере отырып, Оператордың жұмыс кестесімен және жұмыс уақытымен салыстыруы тиіс. Веб беттегі резевр мерзімі резервтеу сәтінен бастап 24 сағат құрайды, осы мерзім өткеннен кейін Пайдаланушы резервтеген Абоненттік нөмірге қойылған резерв алып тасталады.

4.3. Пайдаланушы shop.kcell.kz – те Қызметті бір күнтізбелік айдың ішінде 2 – нан артық емес мөлшерде пайдалана алмайды.

4.4. Пайдаланушы сол бір нөмірді 30 күн ішінде бір рет қана брондалады.

4.5. Оператор Пайдаланушы беретін деректердің дұрыстығына, толықтығына және нақтылығына жауап бермейді, олардың іс жүзіндегі деректерге сәйкес келмеген жағдайында Пайдаланушыға Абоненттік нөмірді тіркеуден бас тартуға құқылы болады.

4.6. Резервтеу сәтті жүргізілгеннен кейін Пайдаланушыға Оператор орнатқан тәсілдермен резервтеу коды жолданады (SMS түрінде және/немесе монитор бетінде көрсету арқылы). Резервтеу коды Пайдаланушының резервтеу жайтын растайды. Веб-парағында резервтеген жағдайда резервтеу кодымен қатар резервтеуді Абоненттік нөмір мен осы Келісімнің 4.2 тармағында аталған деректер болып табылады, олар Пайдаланушыны Абоненттік нөмірді тіркеу барысында сәйкестендіреді.

4.7. Пайдаланушы Резервтеу кодын сақтап, оның құпиялылығын қамтамасыз етуге міндетті. Резервтеу коды жарияланған жағдайда осындай ашылудың бар жауапкершілігі толықтай Пайдаланушыға жүктеледі.

4.8. Резервтеу сәтті жүргізілгеннен кейін Пайдаланушының 24 сағат ішінде Пайдаланушы резервтеу барысында көрсеткен қаладағы Kcell-орталыққа хабарласуы қажет. Абоненттік нөмірді тіркеу Пайдаланушы таңдаған қаладағы Kcell-орталықтың жұмыс  кестесіне сәйкес жүргізіледі.

4.9. Kcell-орталыққа хабарласқан кезде Пайдаланушыға өзімен бірге жеке басын куәландыратын құжат (жеке куәлік, төлқұжат, тұруға ыхтиярхат, азаматтығы жоқ тұлғаның жеке куәлігі) ала келу қажет.

4.10. Егер Пайдаланушы заңды тұлға өкілі болатын болса, Kcell-орталыққа келген уақытта Пайдаланушы сондай-ақ оның заңды тұлға атынан Абоненттік нөмірді тіркеу/ұялы байланыс қызметтерін көрсету шартын жасасу жөніндегі өкілеттіктерін растайтын құжатты ұсыну қажет. Оған қоса Пайдаланушы Оператор орнатқан тізімге сәйкес заңды тұлға бойынша құжаттарды ұсынуы тиіс. Бұл жағдайда Абоненттік нөмір заңды тұлға атына тіркеледі.

4.11. Kcell-орталыққа жүгінген кезде Пайдаланушының   резервтеген Абоненттік нөмірін және резервтеу кодын, сондай-ақ  осы Келісімнің 4.2 тармағында көрсетілген деректерді көрсетуі қажет. Жүгінген тұлға  ұсынған көрсетілген деректер мен  Пайдаланушының резервтеген кезде көрсеткен Оператордағы деректері  сәйкес келген жағдайда, Оператор Абоненттік нөмірді Пайдаланушы атына тіркейді. Осы деректер сәйкес келмеген жағдайда, Оператор Пайдаланушының Абоненттік нөмірін тіркеуден бас тартуға құқылы.

4.12. Пайдаланушы мен Оператор арасындағы ара-қатынастардың барлығы Абоненттік нөмір тіркелгеннен кейін Ұялы байланыс қызметтерін көрсету туралы жария шартпен реттеледі. Көрсетілген шарт мәтінін Оператор www.kcell.kz және www.activ.kz сайттарында орналастырады.

4.13. Оператор кез келген уақытта бір жақты ретте Қызметті пайдалану шарттарын өзгертуге құқылы. Осындай өзгерістер олардың Веб-парағында орналастырылған сәттен бастап күшінде болады.

4.14. Егер Операторда Қызметтің құқыққа қайшы, заңсыз және/немесе коммерциялық мақсатқа пайдаланылатыны туралы жеткілікті негіз  болатын болса, Пайдаланушының Қызметке қолжетімділігі оны алдын ала немесе кейіннен ескертпестен шектелуі немесе тоқтатылуы мүмкін.

4.15. Пайдаланушы осы Келісімнің 4.15-тармағының 4.4-тармаұшасында көрсетілген шектеулерді бұзғаны анықталған жағдайда, Оператор осы Пайдаланушы резервтеген барлық абоненттік нөмірлердің брезервтерін алдын ала және кейіннен ескертпестен жоюға құқылы.

4.16. Абоненттік нөмір  тіркелгеннен кейін Пайдаланушының Абоненттік нөмірді содан кейін пайдалануына қарамасытан (шартты бұзу, нөмірді қайта тіркеу, SIM-картаның жоғалуы, абоненттік нөмірді пайдаланбау т.б.) Оператор «Нөмірді таңдау» қызметіне алынған ақшалай қаражатты қайтармайды, сома қайта есептелуге және өзгертілуге жатпайды.

4.17. Тараптар арасында туындауы мүмкін барлық даулар мен келіспеушіліктер келіссөздер арқылы шешіледі. Оларды шешу мүмкін болмаған жағдайда, даулар мен келіспеушіліктер Оператордың орналасқан орны бойынша сот тәртібімен, Қазақстан Республикасының қолданыстағы заңнамасына сәйкес шешіледі.

5. ТАРАПТАРДЫҢ ЖАУАПКЕРШІЛІГІ

5.1. Оператор Резервтеудің және Абоненттік нөмір тіркелуінің сәтті өтуін қамтамасыз ету жөніндегі бар орынды шараларды қабылдайды, алайда кез келген жағдайда Пайдаланушының немесе үшінші тұлғалардың алдында Пайдаланушының Қызметті пайдалану кезіндегі кідірістерге, сәйкессіздіктерге немесе басқа да салдарына жауапты болмайды.

5.2. Пайдаланушы Оператордың Қызметті пайдалануда шектек орнататынын мойындайды. Оператор қандай да бір кідірістерге, ақаулықтарға, қате немесе ұсынылуы Қызметте ескерілген уақтылы ұсынылмаған ақпаратқа жауапты болмайды, өйткені Қызметке қол жеткізу, сондай-ақ Абоненттің Қызметті пайдалануы Оператор ықпалынан тыс болуы мүмкін бірқатар техникалық шарттарға байланысты.

5.3. Пайдаланушы Оператордың Қызметті пайдалану нәтижесінде, атап айтқанда Оператордың осы Келісімнің 4.16 тармағында ескерілген әрекеттерінің нәтижесіне пайда болған қандай да бір кері әсерлерге қатысты жауапты болмайтынын түсінеді және осымен келіседі.

5.4. Оператор және/немесе Сенімді тұлға, сондай-ақ басқа тұлғалар ұсынатын ешбір ақпарат, ұсыныстар немесе кеңестер кепілдемелер ретінде қарастырыла алмайды, өйткені оларды пайдалану Оператор бақылауынан тыс бірқатар жағдайларға байланысты болуы мүмкін.

5.5. Ешбір жағдайда Оператор Пайдаланушыға Қызметті пайдалану немесе пайдаланудың  мүмкін болмауының нәтижесінде немесе жұмысындағы  қателердің, жіберулердің, үзілістердің, файлдар жойылуының, ақаулықтардың жұмыстағы немесе сұралған деректерді берудегі кідірістердің нәтижесінде тікелей немесе жанама түрде келтірілген шығындарға жауапты болмайды.

5.6. Пайдаланушы Қызмет аясында берілетін ақпараттың дәлдігіне, толықтығына және нақтылығына жауапты екендігімен келіседі. Оператор Пайдаланушының резервтеу барысында көрсеткен деректерінің нақты деректерге кез келген сәйкес келмеуі жағдайында Абоненттік нөмірді тіркеуден бас тартуға құқылы.

5.7. Резервтеу мерзімі Оператордың Kcell орталығы клиенттерге қызмет көрсетпейтін мереке немесе демалыс күніне сәйкес келуіне байланысты немесе пайдаланушы Kcell орталықтың жұмыс істеу уақытынан тыс хабарласқан жағдайда (Kcell Center жұмыс кестесін  қ-ңыз(сілтемемен), Пайдаланушы резервтеу сәтінен бастап 24 сағат ішінде абоненттік нөмірді тіркеуге үлгермесе, Оператор Пайдаланушы алдында жауапты болмайды.

6. ФОРС-МАЖОРЛЫҚ ЖАҒДАЙЛАР

6.1. Оператор Қызметке тұрақты немесе шартсыз қолжетімділікке кепілдік бермейді. Қызметтің жұмыс істеуі алдын алу немесе болдырмау Оператордың бақылауынан тыс, табиғи, техногендік, жаппай, саяси немесе басқа сипаттағы дүлей күштің (форс-мажор) немесе басқа да факторлардың әсерінен бұзылуы мүмкін.

6.2. Қызметке қол жеткізу, сондай-ақ Абоненттің Қызметті пайдалануы Оператор әрекетінің және әсер етуінің аясынан тыс бірқатар техникалық талаптарға байланысты. Егер қандай да бір себептер бойынша Қызмет қолжетімсіз болса, Оператор жауапты болмайды.

6.3. Оператор Қызметтің Пайдаланушы деректерімен, бағдарламаларымен, конфигурацияларымен және басқа да аппараттық және бағдарламалық ресурстарымен үйлесімділігі  үшін жауапты болмайды.

6.4. Оператор Пайдаланушының Қызметті пайдалану барысындағы немесе оған байланысты туындаған қандай да бір шығындарын, төлемдерін, шығыстарын өтемейді.

6.5. Форс-мажор жағдайлары туындаған кезде, атап айтқанда бағдарламалық-аппараттық кешендердегі апаттар немесе іркілістер, үшінші тұлғалардың Қызмет жұмысын тоқтата тұруға немесе тоқтатуға бағытталған әрекеттері орын адған жағдайда, Пайдаланушыны алдын ала немесе кейіннен хабардар етпестен, Қызметтің жұмысы  уақытша тоқтатылуы мүмкін.

Оператор деректемелері:

«Кселл» акционерлік қоғамы

Заңды мекенжайы: 050051, Қазақстан Республикасы, Алматы қ., Самал-2 ықш., үй 100.

Корреспонденцияға арналған мекенжай: 050013, Алматы қ., Тимирязев к-сі 2Г.

СТН: 600700171535

БСН 980540002879

ЖСК KZ539261802102350000

БЖК KZKOKZKX

Жеткізу қызметі техникалық тұрғыдан жетілдірілуде.